monumenta.ch > Hieronymus > bnfGrec107.251 > sectio 10 > sectio 20 > sectio 7 > Iudices, 13 > sectio 11 > cb125.138v > 134v > Psalmi, 76 > sectio 24 > bsbClm6436.10 > sectio 12 > sectio 58 > csg42.242 > Psalmi, 137 > cb125.140v > sectio 10 > Psalmi, 16 > sluMscr.Dresd.A.145.b.64 > Psalmi, 43 > sectio 4 > bnfGrec107.245 > sectio 33

Word Selection for Searching

Report an Error in this Sectio     Magnify Greek
Hieronymus, Epistulae, 4, 106, 33
Quinquagesimo octavo: Quia Deus susceptor meus . Pro quo in Graeco positum est: Susceptor meus es tu. Sed sciendum in Hebraeo nec, es, scriptum, nec, tu; et apud Septuaginta solos inveniri. In ipso: Deus meus, voluntas eius praeveniet me . Pro quo in Graeco scriptum est, τὸ ἔλεος αυτοῦ, id est, misericordia eius, quod et verius est. Sed in Haebreo scriptum est: Misericordia mea praeveniet me. In eodem: Deus ostendet mihi inter inimicos meos . Pro quo in Graeco positum est, Deus meus; sed, meus, additum est. In eodem: Ne occidas eos, ne quando obliviscantur populi tui . Pro quo in Graeco scriptum est: legis tuae; sed in Septuaginta, et in Hebraeo non habet, populi tui, sed, populi mei; et a nobis ita versum est. In eodem: Et scient, quia Deus dominabitur Iacob finium terrae . Pro quo in Graeco scriptum est: Et finium terrae, sed, et, coniunctio addita est, et ordo est: Scient, quia Deus Iacob dominabitur finium terrae.